Votimi i mandatarit nga VV-ja, Zogaj: Veprim kryeneç dhe jo kushtetues

Lajme

Gazeta Express

05/09/2025 13:41

Deputeti i LDK-së, Alban Zogaj ka komentuar paralajmërimin e LVV-së për votim të mandatarit për kryeministër të dielën, duke e cilësuar këtë hap si veprim kryeneç dhe jo kushtetues të LVV përderisa siç thotë nuk ka konstituim  të Kuvendit dhe vendim të Gjykatës Kushtetuese.

Zogaj tha për RTV21 se Lëvizja Vetëvendosje nuk i ka votat për formimin  Qeverisë dhe se pa një marrëveshje politike nuk mund të ecet tutje.

“Veprimet e VV-së janë në një linjë si kanë vepruar që prej ditës së parë pas  zgjedhjeve, veprime kryeneçe krejtësisht jashtë kushtetuese edhe të njëanshme. Ne si LDK konsiderojmë se Kuvendi nuk është i konstituar në plotni, duhet ta presim aktvendimi e gjykatës dhe te vazhdohet me procese tjera sepse ka një rend të hapave. Shihet qartazi se fituesi i zgjedhjeve se ka shumicën politike në vend. Pa marrëveshje politike është shumë vështirë të ecet tutje  andaj edhe ky bllokim dhe këto tendenca për te ataku procesin politik janë  te lidhura me mungesën e shumicës”, tha Zogaj