Përparim Rama në “Kodrën e Trimave”: Kjo lagje moderne, me investime të shumta – 4 vjet nuk janë boll

Lajme

Gazeta Express

04/09/2025 22:21

Banorët e “Kodrës së Trimave” i rezervuan pritje të përzemërt sonte kryetarit të Prishtinës, Përparim Rama.

Rama ka prezantuar para qytetarëve projektet e shumta të realizuara në katër vitet e fundit.

I pari i kryeqytetit ka thënë se katër vjet nuk janë boll, duke shpalosur premtimet për mandatin tjetër, e ku në qendër ishte ndriçimi në krejt lagjen.

“Këtu jam me banorët fantastik të Kodrës së Trimave. Kjo lagje po shndërrohet në një lagje moderne me investime të shumta në infrastrukturë, arsim, shëndetësi dhe hapësira publike. Nga rrugët, ndriçimi, deri te shkollat me mësim tërëditor, po krijojmë kushte më të mira jetese për qytetarët. Kërkesat e qytetarëve janë  prioriteti ynë. Prandaj, çdo brengë e banorëve, po trajtohet dhe do të trajtohet me seriozitet. Shihemi prap dhe ju dua!”, ka thënë Rama.

Ai ka falënderuar qytetarët për mbështetjen e parezervë gjatë gjithë kohës.