Vijon mbledhja e nënshkrimeve për kandidatët e pavarur për zgjedhjet lokale, KSHZ: Nuk është raportuar asnjë problematikë - Gazeta Express
string(119) "vijon-mbledhja-e-nenshkrimeve-per-kandidatet-e-pavarur-per-zgjedhjet-lokale-kshz-nuk-eshte-raportuar-asnje-problematike"

Maqedoni

Gazeta Express

29/08/2025 20:13

Vijon mbledhja e nënshkrimeve për kandidatët e pavarur për zgjedhjet lokale, KSHZ: Nuk është raportuar asnjë problematikë

Maqedoni

Gazeta Express

29/08/2025 20:13

Procedurën për mbledhjen e nënshkrimeve për kryetarë të komunave deri dje e kanë filluar gjithsej 13 kandidatë të pavarur.

Kandidatët janë nga komunat e: Makedonska Kamenicës, Kumanovës, Ohrit, Debarcës, Dibrës, Demir Kapisë, Makedonski Brodit, Koçanit, Manastirit, Mogillës, Novacit, Demir Hisarit dhe një kandidat për Qytetin e Shkupit.

Të gjithë kandidatët kanë paraqitur kandidaturat e tyre përveç në Kumanovë, ku procedura për mbledhjen e nënshkrimeve është ende në vijim, informuan nga Komisioni shtetëror i zgjedhjeve.,

Në pesë komuna po mblidhen nënshkrime për këshillat komunale: Dibër, Koçan, Çeshinovë Obleshevë, Manastir dhe Mogillë.

Në Manastir procedura për mbledhjen e nënshkrimeve për këshilltarë është në vijim, ndërsa në komunat tjera, listat me nënshkrimet e mbledhura janë ngritur.

Nga KSHZ-ja theksojnë se deri më tani nuk ka ndonjë ndryshim të rëndësishëm midis komunave për sa i përket interesit në mbledhjen e nënshkrimeve.

Gjithashtu, deri më tani nuk ka informacion në lidhje me ndonjë problem me procedurën e mbledhjes së nënshkrimeve në ndonjë departament rajonal të KSHZ-së, theksojnë nga Komisioni.