“Uroj që nuk e kanë hedhur në shportë”, Familja e Agon Zejnullahut e pashpresë për ankesën e bërë në Prokurori

Lajme

Gazeta Express

29/08/2025 19:25

Alban Zejnullahu, vëllai i Agon Zejnullahut që humbi jetën pas ndërhyrjes së policisë, ka folur për mungesën e transparencës nga institucionet shtetërore dhe për lirimin nga paraburgimi të pesë policëve të dyshuar.

“Siç e keni parë edhe ju, ata 5 zyrtarë policor janë në liri nga paraburgimi. Ne si familje kemi bërë një ankesë në Prokurorinë Themelore në Prishtinë dhe tek prokurori i çështjes. Jo, asgjë – vetëm i kanë pranuar. S’po dimë a është për gëzim që na i kanë pranu, e s’na kanë kthyer mbrapsht. Urojmë që nuk i kanë hedhur në shportë,” tha ai në Kosova Live.

Zejnullahu theksoi se edhe pas gati dy muajsh nga rasti tragjik, familja nuk ka asnjë informacion mbi autopsinë:

“S’di si të shpresojmë kur gati bëhen dy muaj dhe s’kemi asnjë informacion, as se dimë ku është raporti i IML, fare-fare, as edhe një gjë.”