Rritja e çmimit të energjisë ndikoi në ngritjen e kostos së ndërtimit

Lajme

Gazeta Express

29/08/2025 16:52

Agjencia e Statistikave të Kosovës (ASK) ka publikuar sot të dhënat për indeksin e kostos së ndërtimit për tremujorin e dytë të vitit 2025, të cilat tregojnë për një rritje të çmimeve në sektorin e ndërtimit, si në krahasim me tremujorin paraprak, ashtu edhe me të njëjtën periudhë të vitit të kaluar.

Krahasuar me tremujorin e parë të vitit 2025, kostoja e ndërtimit është rritur për 0,7%. Kontributet kryesore në këtë rritje vijnë nga energjia +5,5%, pagat: +2,0%, transporti: +1,8%, kostot e tjera: +1,3%, makineritë +1,0% dhe materialet +0,3%.

Ndërsa në krahasim me të njëjtën periudhë të vitit të kaluar, IKN është rritur për 4,0%.

“Rritjet më të theksuara janë regjistruar në energjia: +26,9%, pagat: +6,7%, kostot e tjera: +3,7%, materialet: +3,5%, transporti: +3,4%, makineritë: +0,7%. Rritja e theksuar e kostos së energjisë mbetet një ndër faktorët kryesorë që po ndikon ndjeshëm në shtimin e përgjithshëm të kostove në ndërtim, duke reflektuar presione të vazhdueshme në treg. Ky indeks paraqet një tregues kyç për zhvillimet ekonomike dhe ndikon drejtpërdrejt në planifikimin e projekteve të infrastrukturës dhe investimeve private në ndërtim”, thuhet në njoftimin e ASK-së./KP/