Behrami – Kurtit e Haxhiut: Deklasifikoni mbështetjen për Jack Smith-in dhe dosjet që i keni dërguara në Hagë

Lajme

Gazeta Express

29/08/2025 14:28

Deputeti i PDK-së, Artan Behrami ka kritikuar qeverinë e Kosovës, duke përfshirë kryeministrin Albin Kurti dhe ministres së Drejtësisë, Albulena Haxhiu, për mungesën e transparencës në lidhje me mbrojtjen e krerëve të Ushtrisë Çlirimtare të Kosovës (UÇK).

Sipas tij, ndryshe nga Serbia dhe Kroacia që ende mbajnë klasifikuar shpenzimet dhe dokumentacionin për personat e gjykuar në Tribunalin e Hagës, qeveria e Kosovës duhet të tregojë më shumë hapje.

Behrami thotë se “Albin Kurti i ka deklasifikuar shpenzimet për krerët e UÇK-së ende pa u klasifikuar nga qeveritë paraprake”, ndërsa i quan përpjekjet e tyre për “të numëruar centët për mbrojtjen e UÇK-së” si një mënyrë për të rritur “dozën e demonizimit të tyre”.

Ai i bën thirrje Kurtit dhe Haxhiut të vazhdojnë këtë proces të transparencës edhe për “mbështetjen që ia keni dhënë Jack Smith-it”, duke kërkuar që të deklasifikohen “dosjet, dokumentet që keni dërguar në Hagë! Edhe emrat…!”.

Postimi i plotë:

Serbia edhe pas tri dekadave nuk i ka deklasifikuar shpenzimet për mbrojtjen e kriminelëve që janë gjykuar nga Tribunali i Hagës.

Sipas burimeve publike, disa shpenzime janë klasifikuar mbi 50 vjet!

Kroacia ende nuk ka deklasifikuar shpenzimet dhe mbështetjen e shtetit kroat për Gotovinën.

Derisa, dokumentet të caktuara janë klasifikuar me kohë të pacaktuar.

Në Kosovë, Albin Kurti i ka deklasifikuar shpenzimet për krerët e UÇK-së ‘ende pa u klasifikuar’ nga Qeveritë paraprake.

Kështu, Kurti, bashkë me Albulenën, ftojnë çdo ditë militantët që të numërojnë centët për mbrojtjen e UÇK-së për të rritur dozën e demonizimit të tyre.

Por, meqë jeni kaq ‘transparentë’, është mirë me deklasifiku edhe mbështetjen që ia keni dhënë Jack Smith-it.

Edhe deklasifikimin e dosjeve, dokumenteve që keni derguar në Hagë!

Edhe emrat…!