Zyra për Mbrojtje dhe Ndihmë të Viktimave trajton 44 raste në një javë

Lajme

Gazeta Express

29/08/2025 12:54

Zyra për Mbrojtje dhe Ndihmë të Viktimave (ZMDV), që funksionon në kuadër të Zyrës së Kryeprokurorit të Shtetit, ka bërë të ditur se gjatë periudhës 22 – 29 gusht 2025 janë trajtuar gjithsej 44 raste të reja të paraqitura nga viktimat në nivel vendi.

Sipas të dhënave zyrtare, rastet e trajtuara ndahen si vijon:

40 raste të dhunës në familje,

2 raste dhunimi,

1 rast vrasje e rëndë në tentativë,

1 rast tentim dhunimi.

Po ashtu, gjatë kësaj periudhe janë parashtruar 18 kërkesa për urdhër mbrojtjeje (KUM) dhe 12 kërkesa për urdhër mbrojtjeje emergjente (KUME), ndërsa janë regjistruar edhe 2 kërkesa për ndërprerje të urdhrit të mbrojtjes nga pala.

Në punën e përditshme, ZMDV ka marrë pjesë në 57 seanca gjyqësore dhe 13 seanca në prokurori, ka dhënë 55 këshilla juridike, si dhe ka përfaqësuar raste në polici (3 raste) dhe në strehimore (1 rast).

Gjithashtu, janë miratuar 18 aktvendime, janë tërhequr 2 të tjera, janë shpallur 3 aktgjykime dënuese dhe janë marrë 5 vendime për kompensimin e viktimave, përfshirë 1 kërkesë për kompensim nga fondi për viktima.

Zyra për Mbrojtje dhe Ndihmë të Viktimave mbetet e angazhuar në ofrimin e mbështetjes ligjore, psikologjike dhe institucionale për të gjitha viktimat e krimit në Republikën e Kosovës.