Osmani: Kuvendi të konstituohet urgjentisht dhe Qeveria të formohet po ashtu urgjentisht

Gazeta Express

29/08/2025 11:17

Presidentja Vjosa Osmani bëri thirrje për konstituim urgjent të Kuvendit të Kosovës dhe gjithashtu formim urgjent të Qeverisë.

Ajo tha se çdo ditë e humbur është humbje për Kosovën, raporton Gazeta Express.

“Që Kuvendi të konstituohet urgjentisht, që qeveria të zgjidhet po ashtu urgjentisht. Çdo ditë e humbur është ditë e humbur për Kosovën, për popullin e saj, për perspektivën tonë euroatlantike. Kështu që shpresoj që të gjendet një zgjidhje në përputhje me Kushtetutën sa më parë që të jetë e mundur”, tha Osmani.

Ajo u pyet edhe për ndarjen nga pako për votimin e nënkryetarit të Kuvendit nga komuniteti serb dhe në përgjigje tha se s’mund të bëjë “interpretime kushtetuese në këtë situatë”.

Këto deklarata ajo i bëri pas homazheve te Monumenti i Personave të Zhdukur, në shënim të Ditës Ndërkombëtare të të Zhdukurve me Dhunë.