Aspekte të rëndësishme të kujdesit gjatë shtatzënisë

Keshilla Mjekësore

Gazeta Express

26/08/2025 23:53

Shtatzënia, në shumicën e rasteve, është një proces i sigurt fiziologjik për nënën dhe foshnjën. Megjithatë, në disa rrethana të veçanta mund të shndërrohet në një gjendje të rrezikshme që kërkon ndërhyrje të menjëhershme mjekësore.

Një nga komplikimet më të shpeshta janë abortet spontane, të cilat ndodhin në rreth 5–15% të shtatzënive, kryesisht për shkak të anomalive kromozomale ose defekteve kongjenitale.

 Situata bëhet emergjente kur aborti është i paplotë dhe produktet e konceptimit nuk eliminohen plotësisht nga mitra.Në këtë rast, mitra vazhdon të tkurret dhe gjakderdhja mund të bëhet kërcënuese për jetën. Çdo gjakderdhje e rëndë që zgjat mbi dy orë ose kalimi i mpiksjeve të mëdha të gjakut kërkon kujdes të menjëhershëm, shkruan Health News transmeton Gazeta Shneta.

Një tjetër rrezik serioz janë shtatzënitë ektopike, të cilat zhvillohen jashtë mitrës, zakonisht në tubat fallopiane. Kur embrioni rritet, tubi mund të shpërthejë, duke shkaktuar hemorragji të brendshme që kërkon ndërhyrje kirurgjikale urgjente.

Simptomat paralajmëruese përfshijnë dhimbje të forta në njërën anë të barkut ose legenit, njolla gjaku, ngërçe dhe marramendje.

Në çdo rast, këshillimi me mjekun dhe kryerja e ekografisë janë thelbësore për diagnostikim të hershëm dhe shmangien e komplikimeve serioze. /Gazeta Shneta