Chelsea dërgon ofertë prej 50 milionë eurosh për Fermin Lopezin

Sport

Gazeta Express

26/08/2025 17:00

Barcelona e ka bërë të qartë se janë të hapur për lëvizje të vona në afatin kalimtar, dhe duket se strategjia e tyre ka funksionuar. Chelsea ka vendosur të lëvizë për njërin prej lojtarëve që është vendosur në “dritaren e shitjes”, Fermin Lopez.

22-vjeçari ishte në formë të shkëlqyer sezonin e kaluar për Blaugranat, por pas investimit prej 55 milionë eurosh për Dani Olmon dhe me disa opsione të tjera që mund të luajnë pas sulmuesit kryesor, bordi e sheh atë si të sakrifikueshëm. Gjatë javëve të fundit, Barcelona ka lëshuar disa sinjale se është e hapur për një transferim të Fermin-it, pasi kërkon lehtësim për kufirin e pagave.

Sipas Sport, Chelsea ka dorëzuar një ofertë të vonshme prej 50 milionë eurosh për Lopezin, e cila, sipas tyre, do të zgjidhte problemet aktuale të regjistrimit të Barcelonës. Drejtori i Futbollit, Deco, ka marrë një ofertë formale nga Bluet, ndërsa edhe Fermin dhe agjentët e tij janë njoftuar për ofertën.

Thuhet se klubi katalanas po e shqyrton me kujdes ofertën për Lopezin. Ata po marrin parasysh faktin se Wojciech Szczesny, Roony Bardghji dhe Gerard Martin janë ende të paregjistruar. Hansi Flick ka bërë të qartë se nuk dëshiron ta humbasë Lopezin, por ky i fundit mbeti në stol të shtunën kundër Levantes dhe u pa i vetëm, teksa foli me Flick para ndeshjes.

Megjithatë, këto informacione janë kundërshtuar nga The Athletic, të cilët thonë se Chelsea është vetëm duke shqyrtuar një ofertë dhe nuk ka pasur kontakte zyrtare. Ata gjithashtu raportojnë se Chelsea është në kontakt me kampin e lojtarit.

Deri më tani thuhet se Lopez, ashtu si Marc Casado, i cili po ashtu është lidhur shumë me një largim të mundshëm, nuk ka ndërmend të largohet nga Barcelona. Ai ka kontratë deri në vitin 2029 dhe është mbështetur nga të dy trajnerët, Flick dhe Xavi Hernandez. Do të dukej lëvizje e çuditshme të shitet Lopez për të regjistruar Szczesny, Bardghji dhe Martin, të cilët pritet të kenë role dytësore këtë sezon./GazetaExpress/