Vlorë/ Digjet prej të hënës pylli i pishave në Akërni, forcat zjarrfikëse në terren

Shqiperi

Gazeta Express

26/08/2025 8:36

Zjarri në pyllin me pisha në fshatin Akërni, Vlorë, vazhdon të jetë aktiv prej ditës së hënë. Forcat zjarrfikëse dhe ato të Forcave të Armatosura (FA) janë mobilizuar që prej orës 05:00 të mëngjesit për të shuar flakët. Një ditë më parë, situata u bë kritike për shkak të erës së fortë, që mundësoi përhapjen e flakëve në sipërfaqe të mëdha, ndërkohë që terreni i vështirë ka penguar ndërhyrjen me mjete zjarrfikëse.

Në vendngjarje janë dërguar katër helikopterë, dy të Forcave të Armatosura dhe dy të Emirateve të Bashkuara Arabe. Kryebashkiaku i Vlorës, Ermal Dredha, njoftoi se zjarri në zonën e Pishë-Poro ka përfshirë një gjatësi prej 2-3 km dhe dyshohet se mund të ketë qenë i qëllimshëm.