Pas lokalizimit të zjarrit, hapet për qarkullim pika kufitare e Glloboqicës në kufirin Kosovë -RMV

Lajme

Gazeta Express

15/08/2025 17:50

Rreth 2 orë  më parë Qendra Kombëtare për Menaxhim Kufitar ka njoftuar se është mbyllur pika kufitare e Glloboqicës që lidh Kosovën me Maqedoninë e Veriut për shkak të përhapjes së zjarreve.

Sipas njoftimit të ri të QKMK tani zjarri është lokalizuar edhe është hapur për qarkullim kjo pikë kufitare.

“Ju njoftojmë se rreth orës 16:55,nga pala Maqedone kemi pranuar konfirmimin që zjarri i raportuar me heret ”është lokalizuar”,dhe hapet kufiri për qarkullim të lirë të automjeteve dhe personave në PKK Glloboqicë respektivisht Kosovë-Maqedoni e Veriut dhe anasjelltas.

Me nderime, Qendra Kombëtare për Menaxhim Kufitar” thuhet më tej në njoftim.