Protestë përpara godinës së News24

Shqiperi

Gazeta Express

11/08/2025 13:25

Gazetarë, punonjës të kompanisë Fokus Media News dhe kolegë nga media të tjera janë mbledhur sot në hyrje të godinës së televizionit News24, në shenjë proteste ndaj pranisë së vazhdueshme të policisë ushtarake.

Me pankarta në duar që lexonin “Ne s’jemi kriminelë që na sillni polici e ushtri”, ata kërkuan tërheqjen e menjëhershme të forcave të sigurisë.

Protesta vjen në ditën e tretë të bllokimit të transmetimit të News24, ndërsa policia ushtarake vijon të mbajë nën kontroll ambientet e televizionit.