Mickoski: Fushata të jetë për projekte konkrete, jo për të kaluarën

Maqedoni

Gazeta Express

11/08/2025 13:15

Kryeministri dhe lideri i VMRO-DPMNE-së, Hristijan Mickoski, pret që fushata parazgjedhore për zgjedhjet lokale të fokusohet në projekte reale, por, siç thotë ai, BDI në vend që të flasë për të ardhmen, “na kthen 30 vjet prapa” dhe imponon tema nga e kaluara.

“Pres një fushatë me ide, me plane për shkolla të reja, salla sportive, autostrada… por është e qartë se BDI, së bashku me një pjesë të strukturave opozitare dhe mediat e afërta, po përpiqen të krijojnë një atmosferë ku votuesit, veçanërisht ata që nuk janë shqiptarë, të kenë frikë për kë të votojnë. Qëllimi i tyre është – ose të votojnë për BDI-në, ose të mos votojnë fare për “Vlen”. Ata duan t’i dekurajojnë përkrahësit e koalicionit “Vlen”, pra qëllimi është t’i bëjnë votuesit të thonë: “të gjithë janë njësoj, nuk votojmë”, tha Mickoski.