Nga 1 gushti s’do të ketë shërbime në e-Kosova për ata që s’e kanë bërë ndërlidhjen e adresës zyrtare

Lajme

Gazeta Express

01/08/2025 10:50

Komuna e Prishtinës ka njoftuar se duke filluar nga 1 gushti 2025 nuk do të ofrohet shërbim në platformën e-Kosova dhe në e-kioska për të gjithë ata që nuk e kanë bërë ndërlidhjen e adresës zyrtare.

Po ashtu, Komuna e Prishtinës tha se për shkak të mosdeklarimit të adresës zyrtare, do të kufizohet lëshimi i këtyre dokumenteve të gjendjes civile:

 • Ekstrakti i lindjes

 • Certifikata e vendbanimit

 • Certifikata e shtetësisë

 • Certifikata e bashkësisë familjare

Kufizime nuk do të kenë:

 • Certifikata e lindjes

 • Certifikata e martesës

 • Certifikata e gjendjes martesore

 • Certifikata e vdekjes

Po ashtu, nuk do të ketë kufizime për regjistrimet e reja të:

 • Lindjes

 • Martesës

 • Vdekjes

Ku mund ta bëni ndërlidhjen e adresës zyrtare?

 • Në Agjencinë Kadastrale të Kosovës (AKK) – sportelet 1 dhe 2 në objektin e vjetër të Komunës së Kryeqytetit

 • Në sportelet e gjendjes civile në objektin e ri të Komunës

 • Online, përmes platformës e-Kosova

Shënim:

Formularët dhe deklaratat e ndërlidhjes së adresës duhet të ruhen në dosje të veçantë, të ndara nga dosjet e regjistrimeve apo verifikimeve të lindjes, martesës dhe vdekjes.

Për më shumë informacion, ju lutemi drejtohuni në sportelet e gjendjes civile ose kontaktoni Komunën e Kryeqytetit.