Njëvjeçari kafshon kobrën në Indi, djali mbijeton, gjarpri ngordh

Lajme

Gazeta Express

28/07/2025 8:57

Në një incident tronditës në distriktin Bettiah të Biharit të Indisë, një djalë njëvjeçar kafshoi një kobër duke e ngatërruar me një lodër ndërsa luante në shtëpinë e tij.

Fëmija ra pa ndjenja pasi kafshoi gjarprin dhe u dërgua me urgjencë në spital.

Mjekët thonë se ai nuk ka treguar shenja të pranisë së helmit dhe është ende duke u trajtuar, por është jashtë rrezikut.

Ndërsa gjarpri ngordhi, fëmija është shtruar në spital dhe është jashtë rrezikut.

Siç shkruajnë mediat e huaja, një kobër 60 centimetra e gjatë hyri në shtëpi dhe fëmija e kafshoi pasi e ngatërroi me një lodër.

Pasi e kafshoi, e ndau zvarranikun në dy gjysma, pas së cilës gjarpri ngordhi.

Vendasit e fshatit thanë se kobra iu afrua shumë fëmijës, gjë që ndoshta e shqetësoi, duke e bërë atë ta merrte dhe ta kafshonte.

Ata e quajtën këtë një akt refleksiv ku fëmija i ngulte dhëmbët një kobre, duke e vrarë atë menjëherë. /Telegrafi