Policia rajonale e Prishtinës sekuestroi 14 armë javën e kaluar

Lajme

Gazeta Express

21/07/2025 9:44

Policia rajonale e Prishtinës ka njoftuar se javën e kaluar ka realizar 156 urdhëresa të Gjykatës.

“Nga zyrtarët policor të rajonit Prishtinës, gjatë javës së kaluar në lokacione të ndryshme dhe aksione të ndara, janë realizuar 156 urdhëresa të gjykatës. Në përputhje me urdhëresat, pas përfundimit të procedurave policore, personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa.”

Po ashtu janë sekuestruar 14 armë zjarri dhe janë shqiptuar 4145 gjoba.