Një shtetase e Shqipërisë dërgohet pa shenja jete në QMF-në e Dragashit nga një fshat kufitar

Lajme

Gazeta Express

18/07/2025 10:03

Një shtetase e Shqipërisë është dërguar në Qendrën e Mjekësisë Familjare në Dragash pa shenja jete.

Atë e dërguan familjarët e saj nga një fshat i brezit kufitar, ndërsa policia tha se trupi i saj është dërguar në IML për obduksion.

“HETIM I VDEKJES – Dragash / 17.07.2025 – 04:12. Nga Qendra e Mjekësisë Familjare është pranuar informata se nga familjarët, nga një fshat i brezit kufitar të Shqipërisë është sjellë një femër shqiptare shtetase e Shqipërisë pa shenja jete. Rastit i janë përgjigjur njësitë relevante policore. Në konsultim me prokurorin trupi i pajetë i viktimës është dërguar në IML për obduksion”, tha policia në raportin 24-orësh.