Thethi “pastrohet” nga ndërtimet pa leje, sot përmbyllet aksioni

Shqiperi

Gazeta Express

14/07/2025 13:07

Pas një jave intensifikimi të aksionit për prishjen e ndërtimeve pa leje, sot pritet të përmbyllet procesi i ndarjes nga strukturat e paligjshme në Theth. Mësohet se kanë mbetur vetëm dy objekte të fundit, të cilave u është lënë afat deri në orën 18:00 për t’u çmontuar vullnetarisht nga vetë pronarët.

Ky aksion ka rezultuar në shembjen e rreth 70 ndërtimeve pa leje që ndodheshin në zonën e mbrojtur të Thethit, pjesë e Parkut Kombëtar të Dajti. Kjo ndërhyrje është konsideruar e nevojshme për të mbrojtur trashëgiminë natyrore të zonës dhe për të ndaluar zhvillimin pa kontroll.

Përfundimi i aksionit të sotëm do të çojë në tërheqjen e strukturave shtetërore nga ky teritor, duke lënë prapa një “territor të pastër” dhe të mbrojtur nga ndërtime të paligjshme.

Përfaqësuesit e qeverisë kanë theksuar se ky është vetëm një hap në drejtim të ruajtjes dhe zhvillimit të qëndrueshëm të zonave natyrore të Shqipërisë, dhe se do të vazhdohet me kontrolle të rrepta për të parandaluar abuzimet me ligjin.