Dashuri që nuk vdes: Rute Cardoso në vendin ku Liverpooli e kujton Jotën

Futboll

Gazeta Express

12/07/2025 16:38

E mbuluar nga simbolika e ngjyrës së bardhë, shenjë e pastërtisë dhe dashurisë së përjetshme, Rute Cardoso, gruaja e Diogo Jotës, ka vizituar vendin pranë stadiumit Anfield, ku mijëra tifozë dhe qytetarë kanë lënë lule, qirinj dhe mesazhe në kujtim të sulmuesit të dashur.

Atmosfera pranë Anfield mbetet e mbushur me heshtje, lot dhe respekt për njeriun që nuk ishte vetëm një futbollist i jashtëzakonshëm, por mbi të gjitha një bashkëshort dhe baba i përkushtuar.

I gjithë Liverpooli është bashkuar në dhimbjen e saj dhe të tre fëmijëve të vegjël që mbetën pa babain e tyre, duke treguar edhe një herë se familja e kuqe nuk lë askënd vetëm në momentet më të vështira.