Mbappe u helmua nga pula që e hëngri

Futboll

Gazeta Express

09/07/2025 11:38

Kylian Mbappe ishte mjaft keq me shëndetin në ndeshjet e para të Botërorit të Klubeve.

Ylli francez nuk mundi ta ndihmonte Real Madridin pasi ndihej keq, i pafuqishëm dhe nuk kishte apetit për të ngrënë.

E mediumi francez “L’Equipe” e ka zbuluar sot arsyen e mungesës së ish-futbollistit të Monacos e të Paris Saint-Germainit në ndeshjet e fazës së grupeve, përcjell “Gazeta Express”.

Përfaqësuesi francez në fakt u helmua nga një bakterie që gjendej në pulën që e hëngri para se të fluturonte me ekipin e Real Madridit drejt Shteteve të Bashkuara të Amerikës.

Dhe si rezultat, ai i humbi 6 kilogramë.

Mbappe synon t’i shfaq vlerat e tij sonte kundër ish-ekipit të tij, Paris Saint-Germain për ta siguruar kualifikimin në finalen e madhe, ku do t’i priste Chelsea. /Gazeta Express