Edhe selektori i Portugalisë arrin për funeralin e Diogo Jotës dhe vëllait të tij

Sport

Gazeta Express

05/07/2025 10:09

Selektori i Portugalisë, Roberto Martinez, është parë jashtë kishës ku po mbaheshin homazhet për Diogo Jotën.

Martinez e kishte stërvitur Jotën që prej marrjes së drejtimit të kombëtares në vitin 2023. Në ndeshjen e tyre të fundit së bashku, ata fituan Ligën e Kombeve të UEFA-s.

“Jemi të gjithë të prekur nga kjo tragjedi. Jemi të shkatërruar,” tha Martinez në një video të publikuar nga Federata Portugeze e Futbollit.

Jota dhe vëllai i tij humbën jetën në një aksident automobilistik pranë provincës spanjolle të Zamorës, në orët e para të së enjtes.

Ngjarja ndodhi rreth orës 00:30 me orën lokale, sipas njoftimit të Guardia Civil të Spanjës.

Jota ishte këshilluar të mos udhëtonte me avion pas një ndërhyrjeje të vogël kirurgjikale, ndaj po udhëtonte me makinë për të kapur tragetin që do ta kthente në Angli, ku pritej të fillonte përgatitjet për sezonin e ri të hënën./GazetaExpress/