Presidenti i Lille e konfirmon: Edon Zhegrova drejt largimit

Futboll

Gazeta Express

03/07/2025 23:17

Edon Zhegrova pritet të largohet nga Lille OSC, pasi presidenti i klubit, Olivier Létang, ka zbuluar se klubi nuk ka ndërmend ta mbajë atë përtej kësaj vere.

Anësori, i cili iu bashkua Lille nga Basel në vitin 2022, ka hyrë në vitin e fundit të kontratës së tij dhe ka shprehur vazhdimisht dëshirën për t’u larguar drejt një klubi më të madh.

Gjatë një konference për media, Létang sqaroi qëndrimin e Lille ndaj yllit të Kosovës:

“Edoni ka shprehur dëshirën për t’u larguar. Nuk më duket e përshtatshme ta mbajmë në skuadër me vetëm një vit kontratë të mbetur, duke pasur parasysh situatën ekonomike të futbollit francez. [Largimi i tij është diçka] që po e parashikojmë.”

Duke pasur këtë parasysh, presidenti i klubit shtoi se, pavarësisht afrimit të Marius Broholm, Lille do të kërkojë një tjetër anësor për të pasur katër lojtarë në dispozicion për krahët: