“Po përgjithmonë, një ditë që s’do ta harrojmë kurrë”, Diogo Jota ishte martuar vetëm para 11 ditësh

Futboll

Gazeta Express

03/07/2025 11:05

Viti 2025 ishte duke ecur për mrekulli për Diogo Jotan.

Ylli portugez ishte shpallur kampion i Anglisë me Liverpoolin në muajin maj, ndërsa në muajin qershor e kishte fituar Ligën e Kombeve me Portugalinë.

E pikërisht muajin e kaluar i kishte dhënë fund edhe beqarisë, shkruan “Gazeta Express”.

Më 22 qershor, 28 vjeçari ishte martuar me partneren e tij, Rute Cardoso, ndërsa i kishte bërë dy postime.

View this post on Instagram

A post shared by Rute Cardoso 🎀 (@rutecfcardoso14)

“Po, përgjithmonë”, shkruante në njërin prej tyre, duke e postuar edhe shenjën infinit në llogarinë e tij zyrtare në Instagram.

Ndërsa pak orë para aksidentit, ai e kishte publikuar një video, në të cilën shihej me nusen e tij dhe ku shkruante: “Një ditë që s’do ta harrojmë kurrë”.

View this post on Instagram

A post shared by Diogo Jota (@diogoj_18)

Por, fatkeqësisht, martesa e tij zgjati veç 11 ditë pasi në orët e hershme të ditës së sotme, Jota bashkë me vëllain e tij ndërruan jetë pas një aksidenti fatal në trafik, të pësuar në Spanjë. /Gazeta Express