Gjykata e Apelit redukton punën, gjyqtarët dhe stafi lirohen pas mesditës

Lajme

Gazeta Express

02/07/2025 14:33

Gjykata e Apelit ka marrë vendim për reduktim të punës pas gjendjes së krijujar për shkak të temperaturave të larta në Pallatin e Drejtësisë.

Në njoftim thuhet se “Kryetari i Gjykatës së Apelit, Valon Totaj ka vendosur që të reduktohet puna në këtë gjykatë, ashtu që gjyqtarët dhe stafi mbështetës janë liruar nga puna pas mesditës.”.

Njoftimi i plotë:

Prishtinë, 2 korrik 2025 – Gjykata e Apelit e Kosovës njofton se, pas vendimit të Këshillit Gjyqësor të Kosovës, Nr.261/2025, të datës 27 qershor 2025, përmes të cilit autorizohen kryetarët e Gjykatës Supreme, Gjykatës së Apelit, Gjykatës Komerciale dhe Gjykatës Themelore në Prishtinë që të vlerësojnë kushtet e punës (gjendjen me temperaturat e larta) në Pallatin e Drejtësisë dhe, varësisht nga vlerësimi, të vendosin për reduktimin e punës apo pezullimin deri në përmirësim të gjendjes, Kryetari i Gjykatës së Apelit, Valon Totaj ka vendosur që të reduktohet puna në këtë gjykatë, ashtu që gjyqtarët dhe stafi mbështetës janë liruar nga puna pas mesditës.

Këto masa do të rishikohen në vazhdimësi, varësisht nga kushtet klimatike dhe sanimi i problemeve me menaxhimin e Pallatit të Drejtësisë nga organet përgjegjëse.