Kurti ishte me bashkëshorten në festën e Ambasadës Amerikane, shprehet “mirënjohës për miqësinë dhe vlerat e përbashkëta”

Lajme

Gazeta Express

02/07/2025 13:47

Kryeministri në detyrë i Kosovës, Albin Kurti, ka marrë pjesë në pritjen e organizuar nga Ambasada e Shteteve të Bashkuara të Amerikës në Prishtinë me rastin e 249-vjetorit të Pavarësisë.

Në një postim në platformën X, Kurti ka falënderuar të Ngarkuarën me Punë të SHBA-së në Kosovë, Anu Prattipati, për mikpritjen në mbrëmjen festive.

“Faleminderit të Ngarkuarës me Punë të Shteteve të Bashkuara në Kosovë, Anu Prattipati, për pritjen e mbrëmshme me rastin e Ditës së Pavarësisë së SHBA-së. Jemi mirënjohës për miqësinë e qëndrueshme dhe vlerat e përbashkëta që e bëjnë bashkëpunimin tonë gjithnjë e më të fortë dhe më domethënës”, shkroi Kurti.

Thank you to the Chargé d’Affaires of the United States to Kosova, Anu Prattipati, for the reception last night celebrating the U.S. Independence Day. We are grateful for the enduring friendship and the shared values that make our cooperation ever stronger and more meaningful. pic.twitter.com/GcwZHgaLiS

— Albin Kurti (@albinkurti) July 2, 2025

Në postim, ai ka ndarë edhe disa fotografi nga ceremonia, ku shfaqet së bashku me bashkëshorten e tij, Rita Augestad Knudsen.

Në sfond të fotografive të publikuara nga Kurti, vërehen edhe disa ministra në detyrë të kabinetit qeveritar që morën pjesë në pritjen e ambasadës amerikane, përfshirë ministrin e Punëve të Brendshme, Xhelal Sveçla, ministren e Drejtësisë, Albulena Haxhiu, si dhe ministren e Industrisë, Ndërmarrësisë dhe Tregtisë, Rozeta Hajdari.