Temperaturat në rënie gjatë fundjavës, mundësi për riga lokale të shtunën

Lajme

Gazeta Express

28/06/2025 7:05

Ditëve të fundjavës, po parashihet një lehtësim nga vala e të nxehtit që kaploj vendin ditëve të fundit.  Temperaturat zbresin në 27C e 29C.  Ditën e shtunë ende kalojnë vranësira që aty këtu mund të shoqërohen me ndonjë rigë shiu. Të dielën parashihet mot kryesisht me diell.  Minimalet zbresin në 13C e 15C.  Do të fryjë erë më e theksuar nga krahu verior, mesatare e mesatarisht e fuqishme, 7-14m/s.

Përgjatë ditëve të para të korrikut do të mbretërojë mot kryesisht me diell dhe sërish i nxehtë, me maksimale që shënojnë rritje graduale deri në 34C e 36C, ditën e mërkurë.  Minimalet luhaten ndërmjet 14C e 17C.  Fryn erë veriore e lehtë dhe mesatare, 5-10m/s.