Olivier Giroud drejt rikthimit në Evropë, mund të bëhet bashkëlojtar me Edon Zhegrovën

Futboll

Gazeta Express

27/06/2025 11:27

Lille është shumë pranë përfundimit të marrëveshjes për transferimin e Olivier Giroud nga LAFC, me bisedimet që kanë hyrë në fazën përfundimtare, raportojnë mediat franceze.

Sipas Foot Mercato, sulmuesi francez ka dhënë tashmë sinjale pozitive për rikthimin në Evropë dhe është i gatshëm të bashkohet me klubin nga Ligue 1, duke përmbyllur kështu aventurën e tij në MLS.

Giroud, i cili iu bashkua LAFC-së pas përfundimit të kontratës me Milanin, dëshiron të përmbyllë karrierën në vendlindje, dhe Lille shihet si destinacioni ideal për të.

Klubi është në kërkim të një sulmuesi me përvojë që mund të udhëheqë repartin ofensiv dhe të jetë shembull për të rinjtë në skuadër.

Aty do ta gjente edhe yllin kosovar, Edon Zhegrova, i cili ndonëse u përfol shumë për një largim nuk ka ende asgjë konkrete.

Marrëveshja pritet të zyrtarizohet brenda pak ditësh, nëse palët finalizojnë detajet përfundimtare të kontratës.