Netanyahu thotë se ka fitore historike të Izraelit ndaj Iranit

Lajme

Gazeta Express

24/06/2025 21:38

Kryeministri izraelit Benjamin Netanyahu e ka përshkruar armëpushimin midis Iranit dhe Izraelit si një “fitore historike”.

Ai thotë se “fitorja do të mbahet mend për breza. Ne eliminuam dy kërcënime të menjëhershme ekzistenciale – një kërcënim bërthamor dhe një kërcënim me raketa balistike. Nëse nuk do të kishim vepruar, së shpejti do të përballeshim me rrezikun e asgjësimit”.

Netanyahu thotë se IDF “eliminoi komandën e lartë të Iranit”, duke përfshirë tre shefa të shtabeve, shkencëtarë bërthamorë dhe zyrtarë të tjerë të lartë.

Fushata e Izraelit shkatërroi gjithashtu objekte bërthamore në Isfahan, Natanz dhe Arak, thotë kryeministri.

Ai gjithashtu ka përshëndetur përfshirjen e Presidentit të SHBA-së Donald Trump në fushatë.

“Miku ynë Presidenti Trump na ka qëndruar pranë në një mënyrë të paparë – nën drejtimin e tij, ushtria amerikane shkatërroi vendin e pasurimit të thellë në Fordo”, thotë Netanyahu, ka raportuar BBC, transmeton Gazeta Express.