Shkrumbohet nga flakët shtëpia në Gramsh, shkak rrjedhja e gazit

Shqiperi

Gazeta Express

24/06/2025 11:51

Një incident i rrezikshëm është regjistruar pasditen e sotme në lagjen “Sporti” të qytetit të Gramshit, ku një rrjedhje gazi nga një bombol gatimi dyshohet se ka shkaktuar zjarr në banesën e shtetasit A.K., 74 vjeç.

Sipas njoftimit zyrtar të policisë, flakët kanë shkaktuar dëme materiale në banesë, por fatmirësisht nuk ka persona të lënduar.

Falë ndërhyrjes së shpejtë të banorëve dhe shërbimit zjarrfikës, zjarri është vënë nën kontroll dhe është shmangur përhapja e tij në banesat përreth.

Autoritetet lokale u bëjnë apel qytetarëve për kujdes të shtuar në përdorimin e bombolave të gazit, sidomos gjatë muajve të verës kur temperaturat e larta rrisin ndjeshëm rrezikun e incidenteve. Kontrolli periodik i pajisjeve, vendosja e bombolave në ambiente të ajrosura dhe përdorimi me kujdes janë masa thelbësore për të shmangur situata të ngjashme.