Iranianët publikojnë një video-mesazh drejtuar Trumpit: Bixhozxhi, ne do të jemi ata që do t’i japim fund luftës

Lajme

Gazeta Express

23/06/2025 9:56

Ushtria iraniane i ka paralajmëruar Shtetet e Bashkuara për pasoja të tmerrshme nëse bashkohet me luftën në anën e Izraelit, pas veprimeve të fundit ushtarake amerikane që Teherani thotë se kanë zgjeruar listën e objektivave legjitime për forcat iraniane.

Në një mesazh video të publikuar sot, zëdhënësi i Komandës së Përgjithshme Khatam al-Anbiya, Ebrahim Zolfaqari, tha se Uashingtoni do të paguajë çmimin për veprimet e tij, raporton Reuters. “Pasoja serioze dhe operacione vendimtare ushtarake e presin Amerikën”, tha ai.

Në fund të videos, Zolfaqari iu drejtua presidentit amerikan drejtpërdrejt në anglisht:

“Trump, ti bixhozxhi – ti mund ta kesh filluar këtë luftë, por ne do të jemi ata që do ta përfundojmë”, tha ai.