Trump njofton me video kthimin e bombarduesve: Pilotët e shkëlqyer të B-2 sapo zbarkuan shëndoshë e mirë në Misuri

Lajme

Gazeta Express

23/06/2025 7:29

Presidenti i SHBA-së, Donald Trump, thotë se forcat amerikane i kanë shkatërruar plotësisht objektet bërthamore të Iranit. Ai postoi një video të bombarduesve që ktheheshin nga sulmi në rrjetet e tij sociale.

“Pilotët e shkëlqyer të B-2 sapo zbarkuan shëndoshë e mirë në Misuri. Faleminderit për punën e bërë mirë!!!”, tha ai.

Më pas ai tha se të gjitha objektet bërthamore në Iran ishin dëmtuar rëndë dhe iu referua imazheve satelitore.

“Shkatërruar është termi i duhur! Struktura e bardhë e treguar është ngulitur thellë në shkëmb, madje edhe çatia e saj është shumë nën nivelin e tokës dhe është plotësisht e mbrojtur nga flakët. Dëmi më i madh ndodhi shumë nën nivelin e tokës. Pikërisht në mes!!!”, tha Trump.

Ai shtoi: “Nuk është politikisht korrekte të përdoret termi ‘ndryshim regjimi’, por nëse regjimi aktual iranian nuk është i aftë ta bëjë Iranin përsëri të madh, pse të mos ndryshojë regjimi??? MIGA”.