U evakuuan nga Izraeli, 3 shqiptarë mbërrijnë në Tiranë

Shqiperi

Gazeta Express

18/06/2025 14:34

Tre nga pesë shtetasit shqiptarë të evakuuar nga Izraeli kanë mbërritur në Tiranë dhe ndodhen në gjendje të mirë shëndetësore. Njëri pritet të rikthehet në atdhe mbrëmjen e sotme, ndërsa një tjetër do të qëndrojë në Greqi, ku është rezident.

Të pesë shqiptarët kishin udhëtuar drejt Izraelit për arsye pune dhe turistike, por u bllokuan në Tel Aviv për shkak të përshkallëzimit të konfliktit pas sulmeve iraniane.

Pas largimit nga Izraeli, ata u sistemuan përkohësisht në Egjipt dhe mëngjesin e sotëm (18 qershor) kanë mbërritur në Athinë, ku u pritën dhe asistuan nga autoritetet përkatëse.

Ministria për Evropën dhe Punët e Jashtme njofton se ka ndjekur nga afër gjithë procesin e evakuimit përmes ambasadave të saj dhe konfirmon se operacioni është realizuar me sukses.