Ministri i Jashtëm izraelit: Irani ka një plan strategjik për të eliminuar Izraelin

Lajme

Gazeta Express

18/06/2025 10:53

Ministri i Jashtëm izraelit Gideon Sa’ar i ka dërguar një letër Këshillit të Sigurimit të Kombeve të Bashkuara duke pretenduar se Irani ka një “plan strategjik” për të eliminuar vendin e tij, duke thënë se Izraeli është i vendosur për të mbrojtur veten.

“Irani ka një plan strategjik për të eliminuar Izraelin. Izraeli nuk mund dhe nuk do të pranojë kërcënimin e shfarosjes!”, shkroi Sa’ar në X ku ndau një kopje të letrës, shkruan CNN, transmeton Gazeta Express.

Sulmi i Izraelit ndaj Iranit, shkroi ai në letrën e tij, “u nis pas një zhvillimi kritik në programin e armëve bërthamore të Iranit dhe synonte gjithashtu të pengonte kërcënimin e menjëhershëm të sulmeve shtesë iraniane me raketa”.

Vendimi për të sulmuar u mor “si një masë e fundit”, thuhej në letër.