SHBA në gatishmëri lufte: Zhvendos avionë furnizimi në Evropë dhe aeroplanmbajtëse drejt Lindjes së Mesme

Lajme

Gazeta Express

17/06/2025 10:37

Dy zyrtarë amerikanë kanë njoftuar se ushtria amerikane ka zhvendosur një numër të madh avionësh për furnizim me karburant në Evropë, në mënyrë që t’i ofrohen opsione presidentit Donald Trump, ndërsa tensionet në Lindjen e Mesme sa vijnë e rritën.

Duke folur për Reuters, zyrtarët poashtu kanë thënë se aeroplanmbajtësja amerikane Nimitz ishte nisur drejt Lindjes së Mesme, në atë që njëri prej tyre e përshkroi si një dislokim të planifikuar më herët, transmeton Express. Dihet se Nimitz ka kapacitet për të mbajtur 5,000 personel dhe më shumë se 60 avionë, përfshirë avionë luftarakë.

Të gjitha këto dislokime, sugjerojnë se Shtetet e Bashkuara po forcojnë ndjeshëm fuqinë e tyre ajrore për operacione të mundshme të zgjatura, ndërkohë që Irani dhe Izraeli shkëmbejnë sulme ndaj njëra-tjetrës.

Ndëkrohë, edhe sekretari amerikan i Mbrojtjes, Pete Hegseth, në një postim në X ka njoftuar se kishte urdhëruar dislokimin e aftësive mbrojtëse shtesë në Lindjen e Mesme, por nuk ka dhënë detaje specifike.