Ambasada e Kinës në Izrael u bën thirrje qytetarëve të largohen nga vendi

Lajme

Gazeta Express

17/06/2025 3:21

Ambasada e Kinës në Izrael të martën u bëri thirrje qytetarëve të saj të largohen nga vendi “sa më shpejt të jetë e mundur”, ndërsa Izraeli dhe Irani vazhdojnë të shkëmbejnë sulme të rënda.

“Misioni kinez në Izrael u kujton shtetasve kinezë të largohen nga vendi sa më shpejt të jetë e mundur nëpërmjet kalimeve kufitare tokësore, me parakushtin që ata të mund të garantojnë sigurinë e tyre personale”, tha ambasada në një deklaratë në WeChat.

“Rekomandohet të niseni në drejtim të Jordanisë”, shtoi ajo, ka raportuar BBC, transmeton Gazeta Express.

Ambasada e Pekinit tha të martën se konflikti “po vazhdon të përshkallëzohet”.

“Shumë infrastrukturë civile është dëmtuar, viktimat civile janë në rritje dhe situata e sigurisë po bëhet më serioze”, tha ajo.