Pas vrasjes së komandantëve, Khamenei emëron udhëheqësit e rinj ushtarakë të Iranit

Lajme

Gazeta Express

13/06/2025 11:36

Pas vrasjes së dy prej komandantëve më të lartë gjatë sulmeve izraelite, lideri suprem i Iranit, Ayatollah Ali Khamenei, ka emëruar dy komandantë të rinj ushtarakë.

Sipas AP, televizioni shtetëror ka raportuar se Khamenei ka emëruar Gjeneral Abdolrahim Mousavin si kreun e ri të Forcave të Armatosura, duke zëvendësuar Gjeneralin Mohammad Bagheri, ndërsa Mousavi më parë ka qenë komandant i përgjithshëm i ushtrisë.

Gjithashtu, Khamenei ka emëruar Mohammad Pakpour si udhëheqës të Gardës Revolucionare, në vend të Gjeneral Hossein Salamit.

Kujtojmë se, Garda Revolucionare e Iranit, krijuar pas Revolucionit Islamik të vitit 1979, është një nga qendrat kryesore të fuqisë brenda teokracisë iraniane.