Koci vazhdon nesër me protestë para kuvendit: Qëndrimi im do të jetë i pandërprerë gjatë gjithë javës – ditën dhe natën

Lajme

Gazeta Express

08/06/2025 10:00

Avokati Arianit Koci ka thënë se të hënën do të protestojë sërish para kuvendit të Kosovës.

Koci ka shtuar se aty do të qëndrojë gjatë gjithë javës, ditën dhe natën.

Ai ka thënë se do të largohet vetëm për gjykime apo angazhime profesionale të pashmangshme.

“Të hënën, më 9 qershor 2025, në ora 10:45, vazhdoj me protestë para Kuvendit të Republikës së Kosovës. Qëndrimi im do të jetë i pandërprerë gjatë gjithë javës – ditën dhe natën  (flej para Kuvendit) – deri të premten, pas përfundimit të seancës. Do të largohem vetëm për gjykime apo angazhime profesionale të pashmangshme, që lidhen me mbrojtjen ligjore të klientëve. Ky përjashtim nuk e zbeh protestën – përkundrazi, e bën më të qartë dallimin midis përmbushjes së përgjegjësive dhe mosveprimit institucional.”

Koci ka thënë se kërkesa është funksionalizimi i kuvendit.

“Zvarritja nuk është më çështje politike. Është një formë e paralizës institucionale që po dëmton besimin qytetar, ekonominë dhe funksionimin e shtetit. Shteti po shkatërrohet!|