Viktor Gyokeres tregon klubin e preferuar mes interesit të Arsenal, Man Utd dhe Liverpool

Futboll

Gazeta Express

05/06/2025 23:19

Viktor Gyokeres, sulmuesi i Sporting Lisbon, pritet të largohet këtë verë dhe është shumë i kërkuar nga klube si Arsenal, Manchester United dhe Liverpool.

27-vjeçari suedez shënoi 39 gola në kampionatin portugez këtë sezon, plus 6 në Champions League, përfshirë edhe një hat-trick kundër Manchester City.

Një rikthim në Angli duket i mundshëm, me Arsenal dhe United në garë për ta marrë, ku Arsenal ka nevojë urgjente për një sulmues qendre, ndërsa United po përqendrohet në nënshkrimin e Bryan Mbeumo nga Brentford.

Në një intervistë për Vogue Scandinavia, Gyokeres dha një indikacion për klubin e preferuar duke folur për stilin e jetës në Portugali dhe krahasimin me Suedinë:

“Në Suedi njerëzit punojnë shumë gjatë javës dhe dalin me shoqëri vetëm fundjavave. Këtu jeta është më e gjallë gjatë javës, me darka me shokë, një gotë verë të hënën. Më pëlqen kjo. Pas jetës në një vend të nxehtë, do të ishte e vështirë të kthehesha në një vend më të ftohtë.”

O homem da 🫱 máscara 🫲 e os seus 𝟯𝟵 𝗴𝗼𝗹𝗼𝘀 🎯 estão agora a passar em 𝘭𝘰𝘰𝘱 no teu ecrã!

Se queres que o Gyökeres fique no Sporting CP identifica-o 😇#LigaPortugal #LigaPortugalBetclic #SCP pic.twitter.com/Y9gAuQIyho

— Liga Portugal (@ligaportugal) May 29, 2025

Kur pyetjet për lidhjet me klubet angleze u bënë më të shumta, ai i quajti lajmet si “clickbait” dhe tha se mediat sportive krijojnë tema për të mbajtur interesin.

Gjithashtu, Gyokeres u lidh me një transferim të mundshëm te Barcelona, por drejtori sportiv i katalanasve, Deco, sqaroi se klubi nuk po kërkon një sulmues të tillë, pasi kanë Robert Lewandowskin si numrin 9.

Lewandowski, 36 vjeç, ka një vit kontratë dhe shënoi 27 gola këtë sezon te Barcelona, duke fituar titullin e La Ligës. /GazetaExpress/