Zbardhet vrasja në Lezhë, një person shpallet në kërkim

Shqiperi

Gazeta Express

02/06/2025 12:32

Pas hetimeve të thelluara, provave të mbledhura në vendin e ngjarjes dhe informacioneve të marra nga burimet policore, është identifikuar një person i dyshuar si autor i vrasjes së Pjetër Kazës në Tale të Lezhës.

Nga sa ka zbuluar grupi hetimor, dyshohet se G. A. ka qëlluar me armë automatike në momentin kur 57-vjeçari kishte ndaluar makinën për të hapur portën e shtëpisë. Viktima ka humbur jetën në vend si pasojë e plagëve të marra.

Autori është shpallur në kërkim, ndërsa hetimet për zbardhjen e plotë të ngjarjes vijojnë.