Beteja e Trumpit me Apple mund të rrisë ndjeshëm çmimet edhe për telefonat Samsung

Lajme

Gazeta Express

27/05/2025 8:03

Presidenti Donald Trump kërkoi që Apple të zhvendosë prodhimin e telefonave jashtë Kinës, një kërkesë që kompania përmbushi duke kaluar prodhimin në Indi. Megjithatë, Trump nuk është ende i kënaqur dhe kërkon që iPhone-t të prodhohen në SHBA.

Ky qëndrim ka implikime të gjera, duke kërcënuar edhe telefonat e Samsung-ut. Së fundmi, Trump paralajmëroi vendosjen e tarifave prej 25% për çdo iPhone të importuar në SHBA nëse nuk prodhohet brenda vendit. Por, ekspertët paralajmërojnë se nëse një tarifë e tillë aplikohet ndaj Apple, ajo do të duhet të aplikohet për të gjitha telefonat inteligjentë të importuar, përfshirë edhe telefonat Samsung që prodhohen kryesisht në Vietnam dhe Indi.

Mediat koreane raportojnë se kjo mund të çojë në një rritje çmimi prej deri në 40% për telefonat Samsung në tregun amerikan. Nga ana e saj, kompania nuk pritet të përballojë vetë këtë kosto, por do ta transferojë atë tek konsumatorët, të cilët do të jenë të vetëdijshëm për arsyet e rritjes së çmimeve.