Tiranë/ Fëmija holandez bie nga kati i tretë në Rinas

Shqiperi

Gazeta Express

23/05/2025 12:22

Dy ngjarje të rënda me të mitur kanë tronditur Tiranën dhe zonën përreth. Policia e Tiranës ka raportuar se një fëmijë 2-vjeçar me shtetësi holandeze ka rënë aksidentalisht nga kati i tretë i një hoteli në Rinas, ku po qëndronte me familjen e tij. I mituri është dërguar me urgjencë në spital dhe ndodhet nën kujdesin e mjekëve.

Ndërkohë, një vajzë 16-vjeçare dyshohet se ka konsumuar mbidozë medikamentesh në banesën e saj. Ajo është transportuar menjëherë për trajtim mjekësor dhe ndodhet në gjendje të stabilizuar.

Policia ka njoftuar gjithashtu për një sërë arrestimesh dhe procedimesh penale të ndodhura në Tiranë, përfshirë dhunë në familje, konflikte fizike dhe shkelje të rënda të rregullave të qarkullimit rrugor.