Ushtarët armenë të KFOR-it zhvillojnë stërvitje ajrore në Prishtinë

Lajme

Gazeta Express

22/05/2025 13:15

Ushtarët armenë që shërbejnë në kuadër të misionit të udhëhequr nga NATO, KFOR, kanë zhvilluar një stërvitje ajrore me helikopter në selinë e KFOR-it, në Kampin “Film City” në Prishtinë.

Qëllimi i këtij aktiviteti ishte përmirësimi i procedurave të ngjitjes dhe zbritjes nga helikopteri, me synim rritjen e kapaciteteve për dislokim ajror të trupave.

KFOR thekson se vazhdon të zbatojë mandatin e tij të bazuar në Rezolutën 1244 të Këshillit të Sigurimit të Kombeve të Bashkuara, të vitit 1999, për të kontribuar në krijimin e një ambienti të sigurt dhe të qetë për të gjithë njerëzit dhe komunitetet në Kosovë, si dhe për të garantuar lirinë e lëvizjes – në çdo kohë dhe në mënyrë të paanshme.

“Ky mision vazhdon të punojë në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet e tyre përkatëse si përgjegjës për sigurinë”, thuhet në njoftim.