Durrës/ Eksploziv pranë ‘Velierës’, vetëm 50 metra nga banesa e Vangjush Dakos

Shqiperi

Gazeta Express

21/05/2025 10:09

Një pako me lëndë plasëse është gjetur në zonën e njohur si ‘Veliera’ mbrëmjen e së hënës qytetin e Durrësit. Shpërthimi ka ndodhur në një hapësirë e frekuentuar publike dhe vetëm rreth 50 metra larg banesës së ish-kryebashkiakut Vangjush Dako.

Paketa përmbante një sasi të vogël eksplozivi dhe ishte e lidhur me një celular të ngjitur me natriban, një metodë që ngre dyshime serioze për një mekanizëm shpërthyes të telekomanduar. Alarmi u dha nga kalimtarë të rastësishëm, të cilët njoftuan menjëherë Policinë për një objekt të dyshimtë në shkallët e Velierës.

Zona u rrethua nga forcat e policisë, ndërsa njësia antieksploziv e RENEA-s ndërhyri me profesionalizëm, duke shpërthyer pakon në mënyrë të kontrolluar, për të shmangur çdo rrezik ndaj qytetarëve.