Galeria Kombëtare e Kosovës po hyn në renovim

Arte

Gazeta Express

20/05/2025 14:32

Galeria Kombëtare e Kosovës do të mbyllet përkohësisht nga kjo javë për të nisur projektin e renovimit dhe zgjerimit.

Ky projekt përfshin përmirësimin e infrastrukturës ekzistuese, të kushteve të punës dhe prezantimit për artistët, dhe përvojës së vizitorëve. Pjesa më e rëndësishme e këtij projekti është ndërtimi i një depoje të re për ruajtjen dhe konservimin e veprave në koleksionit permanent të GKK-së.

Gjatë kësaj periudhe tranzicioni, i gjithë programi artistik dhe publik i Galerisë do të zhvillohet në hapësirën Galeria Kombëtare e Kosovës – Qafa dhe vende të tjera.