Telefonata Trump-Zelensky: Të mos merret asnjë vendim pa ne

Lajme

Gazeta Express

20/05/2025 7:59

Në reagimin e tij pas bisedës telefonike me Donald Trump, Presidenti i Ukrainës, Volodymyr Zelensky tha se Kievi dhe partnerët e tij po konsideronin organizimin e një takimi të nivelit të lartë midis Ukrainës, Rusisë, Shteteve të Bashkuara, vendeve të Bashkimit Evropian dhe Britanisë, si pjesë e një shtytjeje për t’i dhënë fund luftës.

Duke folur me gazetarët në Kiev udhëheqësi ukrainas tha se shpresonte se takimi mund të ndodhte sa më shpejt që të ishte e mundur dhe se ai mund të mbahej në Turqi, Vatikan ose Zvicër

Presidenti ukrainas Volodymyr Zelensky shprehu shpresën se Evropa dhe Shtetet e Bashkuara do t’i interpretojnë kërkesat e papranueshme të Rusisë si një “JO” për paqen. Po ashtu Zelensky shtoi se i ka kërkuar presidentit amerikan Donald Trump “të mos marrë vendime pa ta” në negociatat me Rusinë për një armëpushim.