Trajneri Edi Martini largohet nga Trepça, e zyrtarizon Vllaznia

Futboll

Gazeta Express

15/05/2025 12:51

Edi Martini nuk është më trajner i klubit të futbollit Trepça.

Pasi nuk arriti t’ia siguronte inkuadrimin në Superligë, klubi mitrovicas vendosi t’i ndajë rrugët me trajnerin nga Shqipëria.

E menjëherë, Martinin e ka zyrtarizuar Vllaznia për trajner të ri për sezonin 2025/26.

Klubi shkodran njoftoi përmes një komunikate për shtyp se ka arritur marrëveshje me njërin prej emrave më të njohur të futbollit shkodran, duke rikthyer kështu Martinin në krye të bankinës kuqeblu pasi dështuan ta fitonin titullin e kampionit në Superiore.

“Mirë se u riktheve në shtëpi!” – shkruhet në njoftimin e klubit, duke e konfirmuar besimin e plotë që drejtuesit kanë tek Martini për të udhëhequr skuadrën në sezonin e ardhshëm.

Ky rikthim vjen në një moment të rëndësishëm për Vllazninë, që synon të rikthehet në elitën e futbollit shqiptar si një pretendente serioze për tituj dhe suksese.

Martini, i cili ka pasur disa aventura të rëndësishme në stolin e Vllaznisë dhe klube të tjera shqiptare, gëzon një reputacion të lartë në futbollin vendas për punën e tij me skuadra që kërkojnë identitet dhe stabilitet, teksa objektivi i klubit është rikthimi i titullit kampion në Shkodër.