Tensione mes vëzhguesëve në KZAZ Nr. 32 në Tiranë, ndërhyn policia

Shqiperi

Gazeta Express

13/05/2025 13:49

Një incident është shënuar gjatë procesit të numërimit të votave në KZAZ Nr. 32 në Tiranë, ku disa vëzhgues të partive politike janë përfshirë në një përplasje verbale dhe fizike.

Përplasja ka ndodhur ndërmjet përfaqësuesve të Partisë Demokratike dhe Partisë Socialiste, për shkaqe që raportohen si të natyrës së dobët, por që kanë krijuar tension dhe shqetësim në ambientet ku po zhvillohej numërimi.

Policia ka ndërhyrë menjëherë për të qetësuar situatën dhe ka shoqëruar në komisariat 7 prej vëzhguesve të përfshirë në konflikt. Pas marrjes në pyetje dhe deklaratave përkatëse, të gjithë janë lënë të lirë.