Hargreaves i jep mbështetje Kryeprokurorit Blerim Isufaj për ta luftuar korrupsionin e nivelit të lartë

Lajme

Gazeta Express

12/05/2025 15:28

Kryeprokurori i Prokurorisë Speciale, Blerim Isufaj, është takuar me ambasadorin e Britanisë së Madhe, Jonathan Hargreaves.

Në njoftim thuhet se Hargreaves i ka ofruar mbështetje Isufajt dhe Prokurorisë Speciale në angazhimin ndaj hetimeve dhe punës në luftimin e krimit të organizuar dhe korrupsionit të nivelit të lartë.

“Gjatë këtij takimi z.Hargreaves i ka ofruar mbështetje z.Isufaj dhe Prokurorisë Speciale të Republikës së Kosovës, në angazhimin ndaj hetimeve dhe punës në luftimin e krimit të organizuar dhe korrupsionit të nivelit të lartë. Kryeprokurori Isufaj shprehu gatishmërinë në forcimin e bashkëpunimit dhe realizimit të projekteve të përbashkëta, në drejtim të forcimit të kapaciteteve për hetime.”

Isufaj e ka falënderuar Hargreaves për mbështetjen e Ambasadës britanike ndaj Prokurorisë Speciale.

“Z.Isufaj, tutje ka falënderuar z.Hargreaves për mbështetjen e Ambasadës së Britanisë së Madhe, në zhvillimin e kapaciteteve profesionale dhe logjistike, duke theksuar se ky shtet mbetet partner i rëndësishëm i Prokurorisë Speciale në luftën kundër krimit, dhe përkushtimit për sundim të ligjit në Kosovë.”