Pse Al-Hilal ka një përparësi ndaj Juventusit, për nënshkrimin e Osimhenit?

Sport

Gazeta Express

09/05/2025 14:08

Raportet e së premtes tregojnë se Juventus po përgatit një ofertë të madhe rreth 85 milionë euro për të bindur Napolin që t’i shesë Victor Osimhen gjatë merkatos së verës, por “Zonja e Vjetër” do të ketë një betejë të vështirë për t’i larguar interesimin shumë klubeve të tjera, sidomos Al-Hilal.

Osimhen aktualisht është i huazuar te Galatasaray pasi transferimi i tij përfundimtar nga Napoli dështoi në mënyrë të papritur në fund të verës. Që atëherë, sulmuesi nigerian ka realizuar 33 gola në 37 ndeshje në të gjitha garat, duke përfshirë 24 gola dhe pesë asistime në 27 ndeshje të kampionatit.

Ai pritet të kthehet te Napoli këtë verë dhe mendohet se do të shitet, pasi në kontratën e tij është një klauzolë lirimi prej 75 milionë eurosh që do të jetë aktive gjatë verës.

Klauzola e lirimit prej 75 milionë eurosh vlen vetëm për klubet jashtë Italisë, ndaj Juventus është gati të ofrojë më shumë se kjo shumë për ta bindur Napolin ta shesë lojtarin në Torino.

Megjithatë, ka shumë klube në Europë dhe Azi që janë të interesuara për Osimhen, përfshirë Manchester United dhe Chelsea. Sipas Corriere dello Sport, Al-Hilal mund të paguajë klauzolën prej 75 milionë eurosh dhe mund të ofrojë një kontratë “faraonike” për lojtarin, që mund të arrijë deri në 35 milionë euro në sezon, shumë që Juventus dhe shumë klube të tjera nuk mund ta përballojnë.

Aktualisht, Osimhen fiton rreth 11 milionë euro në vit me kontratën që ka./GazetaExpress/